وزیر دفاع خواجہ محمد آصف نے کہا ہے کہ خیبرپختونخوا میں الیکٹڈ اور نان الیکٹڈ کا عنصر موجود ہے، خیبرپختونخوا میں حکومت کی تبدیلی کی کوشش ہوسکتی ہے،پیپلزپارٹی کی وفاقی حکومت میں شمولیت خارج از امکان نہیں ۔
اسلام آباد: نجی ٹی کو انٹرویو دیتے ہوئے وزیر دفاع خواجہ محمد آصف نے کہا کہ بانی کی بہنیں کچھ کہتی ہیں، کوئی کچھ اور کہہ رہا ہے ۔
خواجہ آصف نے کہا کہ پیپلزپارٹی کی وفاقی حکومت میں شمولیت خارج از امکان نہیں، پی ڈی ایم اور اتحادی حکومت کا تجربہ کیا جا چکا ہے ۔
بھارت کے حوالے سے گفتگو کرتے ہوئے خواجہ آصف نے کہا کہ بھارت کو جنگ میں پاکستان سے شکست ہوئی، بھارت کے دعوے مٹی میں مل گئے، سندور اجڑ گیا، ہمیں پوری دنیا کی سپورٹ ملی تھی ۔
وزیر دفاع کا کہنا تھا کہ بھارت کے ساتھ صرف اسرائیل کھڑا تھا، بھارت کی طرف سے بیانات اپنے عوام کو مطمئن کرنے کیلئے ہیں، ایسے بیانات بھارت کی سفارتی محاذ پر بھی شکست کا نتیجہ ہیں ۔
خواجہ آصف نے کہا کہ بھارت کے خلاف جنگ میں پاکستان کی فتح بالکل واضح تھی، کوئی شک نہیں پاکستان کی افواج نے جنگ میں اپنا لوہا منوایا ۔
انہوں نے کہا کہ ترکیے اور چین ہمارے دوست ممالک، جنگ ہم نے خود لڑی، بھارت میں جھوٹ کا سیلاب آیا ہوا تھا، جیسے بالی ووڈ فلم کی شوٹنگ ہے ۔
