خیبر پختونخوا میں عوامی نیشنل پارٹی کو بڑا نقصان، پارٹی کی اہم رہنما ثمر ہارون بلور مسلم لیگ ن میں شامل ہو گئیں، اس حوالے سے ثمر بلور نے وزیراعظم شہبازشریف سے ملاقات میں مسلم لیگ ن میں شمولیت کا اعلان کیا ۔
پشاور: عوامی نیشنل پارٹی کو خیبر پختونخوا میں بڑا سیاسی نقصان ہوا ہے، ہارون بلور کی بیوہ بشیر بلور کی بہو نے مسلم لیگ ن میں شمولیت اختیار کرلی ہے،ثمر بلور نے وزیراعظم شہباز شریف سے ملاقات میں نواز لیگ میں شمولیت کا اعلان کیا ہے ۔
ثمر بلور نے بتایا کہ انہوں نے وزیراعظم شہباز شریف سے ملاقات کی ہے اور ان کی ن لیگ میں باقاعدہ شمولیت کے اعلان کی خبر وزیراعظم سیکرٹریٹ سے آئے گی ۔
واضح رہے کہ ثمر بلور اپنے شوہر ہارون بلور کے حلقے سے ایم پی اے منتخب ہوئی تھی، ان کے حوالے سے کچھ عرصہ قبل پیپلز پارٹی میں شمولیت کی خبریں سامنے آئی تھیں ۔
ثمر بلور اے این پی قیادت سے اختلافات کے باعث پارٹی سرگرمیوں سے کنارہ کش ہوگئی تھیں اور اب انہوں نے پارٹی کو خیر باد کہہ کر مسلم لیگ ن میں شمولیت کا اعلان کردیا ہے ۔
