سہ ملکی کرکٹ سیریز کے دوسرے میچ میں پاکستان نے متحدہ عرب امارات کو شکست دے کر ایونٹ کی مسلسل دوسری فتح اپنے نام کرلی، پاکستان کے 207 رنز کے جواب میں یو اے ای نے مقررہ اوورز میں 8 وکٹ کے نقصان پر 176 رنز بنائے ۔
شارجہ کرکٹ سٹیڈیم میں کھیلے گئے سہ فریقی سیریز کے دوسرے میچ میں پاکستان نے ٹاس جیت کر پہلے بیٹنگ کی اور مقررہ 20 اوورز تمام کھلاڑی آوٹ ہونے کے بعد 207 رنز بنائے ۔
صائم ایوب نے جارحانہ انداز اپناتے ہوئے 38 گیندوں پر 69 رنز کی شاندار اننگز کھیلی اور نمایاں بلے باز رہے جبکہ حسن نواز نے 26 گیندوں پر 56 رنز بنائے ۔
یو اے کی جانب سے جنید صدیق اور ساغر علی نے 3،3 جبکہ حیدر علی نے کھلاڑیوں کو آوٹ کیا ۔
ہدف کے تعاقب میں یو اے ای کی ٹیم مقرر 20 اوورز میں 8 وکٹوں کے نقصان پر 176 رنز بنا سکی، یوں پاکستان نے سیریز میں مسلسل دوسری کامیابی حاصل کرتے ہوئے 31 رنز سے فتح اپنے نام کی ۔
پاکستان کی جانب سے حسن علی نے تین جبکہ محمد نواز نے دو اور سلمان مرزا اور صائم ایوب نے ایک ایک وکٹ حاصل کی ۔
یو اے ای کی جانب سے آصف خان 77 رنز بناکر نمایاں بلے باز رہے، شاندار اور جارحانہ 69 رنز اور ایک وکٹ حاصل کرنے پر صائم ایوب میچ کے بہترین کھلاڑی قرار پائے ۔
