خیبرپختونخوا ہیلتھ کیئر کمیشن نے صوبے میں عطائیت کے خاتمے کے حوالے سے آگاہی مہم تیز کرنے کا فیصلہ کرلیا ، اس حوالے سے شعور اُجاگر کرنے اور عطائیت کے خاتمے کے لیے اٹھائے جانے والے اقدامات سے متعلق آگاہی مُہم تیز کرنے کا فیصلہ بھی ہوا ہے ۔
پشاور: خیبرپختونخوا ہیلتھ کیئر کمیشن نے عوام میں کمیشن سے متعلق شعور اُجاگر کرنے اور عطائیت کے خاتمے کے لیے اٹھائے جانے والے اقدامات سے متعلق آگاہی مُہم تیز کرنے کا فیصلہ کرلیا ۔
ترجمان ہیلتھ کیئر کمیشن عزم رحمان کے مطابق اس سلسلے میں صوبے کے مختلف اضلاع میں آگاہی سیمناروں کا اہتمام کیا جائے گا، اس ضمن میں آج نوشہرہ کے علاقے اکوڑہ خٹک کے سول ہسپتال میں کمیشن کے انسپیکٹرز کی جانب سے آگاہی سیمنار منعقد ہوا جس میں علاقہ مکینوں اور شعبہ صحت سے تعلق رکھنے والے افراد نے شرکت کی ۔
ترجمان کے مطابق انسپیکٹران کی جانب سے عطائیت کے ناسور اور کمیشن کی جانب سے عطائیت کے خاتمے کے لیے کیے جانے والے اقدامات اور عوام کو صحت کی بہترین سہولیات کی فراہمی کے موضوع پر روشنی ڈالی، جبکہ شرکاء نے کمیشن کے کردار کو سراہتے ہوئے اس بات کا اعادہ کیا کہ عطائیت کی روک تھام میں مہذب شہری ہونے کا ثبوت دیتے ہوئے وہ عطائیوں سے کبھی علاج نہیں کروائیں گے ۔
ترجمان کا یہ بھی کہنا تھا کہ ایچ سی سی کے انسپیکٹرز نے عطائیوں کے خلاف آن لائن شکایات درج کروانے کے طریقہ کار سے بھی شرکاء کو آگاہ کیا ۔
