جنوبی افریقہ کے سابق کپتان اور جارح مزاج بلے باز اے بی ڈویلیئرز نے ایشیا کپ کے دوران سیاست کو کھیل میں لانے پر انڈیا پر کڑی تنقید کر دی ۔
دبئی: اے بی ڈویلیئرز نے مطالبہ کیا ہے کہ خطے کی سیاست کو کھیل کے میدان سے الگ رکھا جائے، بھارت کی ٹیم شاید اس سے خوش نہیں تھی جس سے اس نے ٹرافی لینا تھی، میرا نہیں خیال کہ اس کا کھیل سے کوئی تعلق بنتا ہے ۔
سابق جنوبی افریقی کپتان کا کہنا تھا کہ سیاست کو کھیل سے الگ ہونا چاہیے، کھیل ایک الگ چیز ہے اس کا جشن ویسے ہی منانا چاہیے، ایشیا کپ کی اختتامی تقریب میں سب کچھ دیکھ کر دکھ ہوا، امید ہے معاملات کو جلد حل کیا جائے گا ۔
اے بی ڈویلیئرز نے اپنے پیغام میں مزید کہا ہے کہ اس صورتحال سے کھیل اور کھلاڑی مشکل میں پڑے اور یہ سب دیکھنے سے مجھے نفرت ہے، آخر میں یہ سب اچھا نہیں لگا ۔
