سی سی پی او ڈاکٹر میاں سعید کے مطابق پشاور میں کوہاٹ روڈ قمر دین گڑھی کے مقام پر پولیس موبائل کے قریب دھماکا ہوا ہے، جس کے نتیجے میں 4 پولیس اہلکار زخمی ہو گئے ۔
پشاور: کیپٹل سٹی پولیس آفیسر پشاور ڈاکٹر میاں سعید نے بتایا کہ قمر دین چوک کے قریب پولیس موبائل معمول کی گشت پر تھی کہ اچانک سڑک کنارے نصب بارودی مواد کا دھماکہ ہوگیا ۔
سی سی پی او ڈاکٹر میا سعید کا مزید کہنا تھا کہ دھماکے کے نتیجے میں 4 پولیس اہلکار شدید زخمی ہوگئے ۔
ان کا کہنا تھا کہ دھماکے کے نتیجے میں پولیس موبائل کو بھی شدید نقصان پہنچا ۔
پولیس حکام کے مطابق پولیس ٹیمیں جائے وقوع پر پہنچ گئی ہیں، جبکہ زخمی اہلکاروں کو فوری طور پر قریبی ہسپتال منتقل کر دیا گیا ۔
