صوابی میں خوش نصیب جوڑے کے ہاں بیک وقت پانچ بچوں کی پیدائش ہوئی ہے، بچوں میں ایک بیٹا اور چار بیٹیاں شامل ہیں، پانچ جڑواں بچوں کی پیدائش باچاخان میڈیکل کمپلیکس میں ہوئی ۔
صوابی: بچوں کی پیدائش باچا خان میڈیکل کمپلیکس میں ہوئی، جہاں این آئی سی یو کے انچارج نے جوڑے کے ہاںبیک وقت 5 بچوں کی پیدائش کی تصدیق کی ۔
ڈاکٹرز کا کہنا ہے کہ پیدائش کے بعد پانچوں بچوں کو احتیاطی طور پر این آئی سی یو منتقل کیا گیا ہے، جہاں ان کا علاج جاری ہے ۔
میڈیکل ڈائریکٹرز نے ہدایت کی ہے کہ ماں اور بچوں کی صحت کا خصوصی خیال رکھا جائے اور تمام ضروری طبی سہولیات بلا تعطل فراہم کی جائیں ۔
ہسپتال انتظامیہ کے مطابق ماں کی حالت تسلی بخش ہے جبکہ بچوں کی نگرانی ماہر ڈاکٹروں کی ٹیم کر رہی ہے ۔
