ڈیرہ اسماعیل خان میں امن کمیٹی کے سربراہ کے گھر شادی کی تقریب کے دوران بم دھماکہ ہوا ہے جس میں جگری محسود سمیت 3 افراد جاں بحق اور 7 افراد زخمی ہوئے ہیں ۔
ڈی آئی خان: پولیس کے مطابق دھماکہ قریشی موڑ کے قریب ایک شادی کی تقریب کے دوران اس وقت ہوا جب شادی کی تقریب جاری تھی کہ اس دوران زوردار دھماکہ ہوا ۔
شادی ٹھکیدار یونین کے صدر نور حسن محسود کے بھتیجے اور سراج کے بیٹے کی تھی ۔
پولیس نے تصدیق کی ہے کہ دھماکے میں کمانڈر وحید عرف جگری محسود سمیت 3 افراد جاں بحق اور 7 زخمی ہوئے ہیں ۔
پولیس ذرایع کے مطابق دھماکہ ایک کمرے کے اندر ہوا جس کے بعد کمرے کی چھت منہدم ہونے کی وجہ سے امدادی سرگرمیوں میں مشکلات کا سامنا رہا ۔
واضح رہے کہ جگری محسود ماضی میں حکیم اللہ محسود کے قریبی ساتھی رہے ہیں، بعد ازاں انہوں نے حکومت کے ساتھ مل کر ڈیرہ اسماعیل خان میں اپنا دفتر قائم کیا، جو گزشتہ ایک دہائی سے فعال تھا ۔
