لوئر چترال دروش ارندو کے علاقے ڈومیل میں ایک گھر پر برفانی تودہ گرنے کے نتیجے میں 9 افراد جاں بحق جبکہ ایک بچہ شدید زخمی ہو گیا ۔
لوئر چترال: واقعے کی اطلاع ملتے ہی ریسکیو ٹیمیں مقامی افراد اور ڈسٹرکٹ انتظامیہ فوری طور پر موقع پر پہنچ گئیں ۔
حکام کے مطابق جاں بحق ہونے والوں میں 4 خواتین اور 5 مرد شامل ہیں، ریسکیو کی جانب سے امدادی کارروائی مکمل کر لی گئیں اور تمام جاں بحق افراد کی نعشیں برف کے ملبے سے نکال لی گئی ہیں ۔
ریسکیو حکام کا کہنا ہے کہ شدید برفباری کے باعث ریسکیو آپریشن میں مشکلات کا سامنا رہا تاہم ٹیموں نے بروقت کارروائی کرتے ہوئے اپنی ذمہ داریاں احسن طریقے سے انجام دیں ۔
زخمی بچے کو فوری طبی امداد فراہم کر کے قریبی اسپتال منتقل کر دیا گیا ہے،جبکہ ڈیڈباڈیز کو ان کے آبائی علاقے دروش ورڈب پہنچا دیا گیا ہے ۔
