پشاور (خصوصی رپورٹر) جامع مسجد بجوڑی گیٹ نمکمنڈی کے خطیب مولانا ارشد قریشی نے اخبار خیبر کو دیے گئے ایک بیان میں کہا ہے کہ خیبر ٹیلی ویژن نیٹ ورک کی فلاحی تنظیم خودمختار ساوی معاشرے کے نادار اور مستحق افراد کی جس احسن انداز میں بروقت مدد کر رہی ہے، وہ ناقابلِ فراموش اور مثالی ہے۔
انہوں نے کہا کہ خلافتِ راشدہ کے دور میں بیت المال کے ذریعے غریبوں، مسکینوں اور بیواؤں کی مالی معاونت کی جاتی تھی، اور اگر یہ کہا جائے کہ عصرِ حاضر میں خودمختار ساوی اسی طرز کا کردار ادا کر رہی ہے تو یہ بے جا نہ ہوگا۔
مولانا ارشد قریشی نے مزید کہا کہ دنیا بھر میں مقیم پاکستانی ہر مشکل گھڑی میں اپنے عطیات خودمختار ساوی کے ذریعے مستحقین تک پہنچاتے ہیں، اور یہ اعتماد اس بات کا واضح ثبوت ہے کہ عطیات شفاف اور منصفانہ طریقے سے حقیقی حقداروں تک پہنچائے جا رہے ہیں۔
