پاکستان کی مسلح افواج نے افغان طالبان کی سرحد پار دراندازی پر بھرپور جوابی کارروائی کی ہے اور متعدد اہم طالبان چیک پوسٹوں کو مکمل طور پر تباہ کر دیا۔
سکیورٹی ذرائع کے مطابق پاکستانی افواج نے آرٹلری اور کواڈکاپٹر کے ذریعے افغان طالبان فورسز کو نشانہ بنایا۔ کارروائی کے بعد افغان طالبان نے کئی مقامات پر سفید جھنڈا لہرا کر شکست کا اقرار کیا۔
باجوڑ میں افغان دہشتگرد کی سرحد عبور کرنے کی کوشش ناکام بنائی گئی اور اسے زندہ گرفتار کر لیا گیا۔ پاک افغان سرحد پر افغان طالبان کی بلااشتعال کارروائیوں کے جواب میں پاکستان نے آپریشن غضب للحق شروع کر رکھا ہے۔ سکیورٹی ذرائع کے مطابق پاکستانی افواج کی کارروائی میں طالبان کے کئی ٹھکانے اور ٹینک تباہ ہو گئے اور 130 سے زائد طالبان ہلاک ہوئے۔
افغان طالبان نے مختلف مقامات سے فائرنگ کی، جس پر پاکستانی سکیورٹی فورسز نے ناوگئی سیکٹر (باجوڑ)، تیراہ (خیبر) اور چترال سیکٹر میں بھرپور جوابی کارروائی کی۔ چترال میں طالبان کی ایک چیک پوسٹ کو بھی مکمل طور پر تباہ کر دیا گیا۔
