جنوبی وزیرستان لوئر کے صدر مقام وانا میں مصروف رستم بازار میں بارودی مواد کا دھماکہ ہوا ہے جس میں 2 پولیس اہلکار شہید جبکہ 25 افراد شدید زخمی ہو گئے ۔
جنوبی وزیرستان لوئر: ڈی ایس پی اصغر علی شاہ کے مطابق دھماکے میں 2 پوليس اہلکار شہید جبکہ 5 اہلکار اور 20 شہری زخمی بھی ہوئے ہیں ۔
ڈی سی پی کے مطابق بارود سپر مارکیٹ میں گیٹ کے قریب نصب کیا گیا تھا جس کے پھٹنے سے زوردار دھماکہ ہوا ۔
پولیس حکام کے مطابق زخمیوں میں بچے بھی شامل ہیں، جبکہ ڈی ایچ کیو ہسپتال وانا میں ایمرجنسی نافذ کردی گئی ہے ۔
وانا ڈی ایچ کیو ہسپتال حکام کے مطابق زخمیوں میں 2 کی حالت نازک تھی جنہیں ڈی آئی خان ہسپتال منتقل کردیا گیا ہے ۔
