پشاور (خصوصی رپورٹر) — ایرانی صحافی اور تجزیہ نگار افضل رضا نے کہا ہے کہ ایران کو شکست دینا Donald Trump اور ان کے اتحادیوں کی بڑی غلط فہمی ہے۔
کے ٹو چینل کے ٹاک شو "شاہراہِ امن” میں میزبان رفعت اللہ اورکزئی اور ملک محمد حسنین کے سوالات کے جواب دیتے ہوئے انہوں نے کہا کہ Donald Trump اور Benjamin Netanyahu کی جانب سے ایران پر حملہ ایک سنگین غلطی ہے۔ ان کا کہنا تھا کہ ایران کے اسکولوں، ہسپتالوں اور عوامی مقامات کو نشانہ بنا کر اقوام متحدہ کے چارٹر اور انسانی حقوق کی کھلی خلاف ورزی کی گئی، مگر عالمی طاقتوں نے اس پر مجرمانہ خاموشی اختیار کر رکھی ہے۔
افضل رضا کے مطابق ایران نے مشرقِ وسطیٰ میں موجود امریکی اڈوں کو نشانہ بنایا، جہاں سے امریکی اور اسرائیلی ڈرون اور فضائی حملے کیے جا رہے تھے۔ انہوں نے الزام عائد کیا کہ ایران کے سپریم لیڈر، سائنسدانوں، فوجی افسران اور انٹیلیجنس اہلکاروں کو نشانہ بنا کر دہشت گردی کی تمام حدیں پار کی گئیں۔
انہوں نے مزید کہا کہ Benjamin Netanyahu اور Donald Trump کے خلاف دنیا بھر میں لاکھوں افراد کے احتجاجی مظاہرے اس بات کا ثبوت ہیں کہ عالمی رائے عامہ ایران کے مؤقف کو درست سمجھتی ہے۔ ان کا کہنا تھا کہ ایران ایک امن پسند اور مہذب ملک ہے جو کسی کی غلامی یا دباؤ کو قبول نہیں کرتا، اور یہ جنگ بھی ایران کی شرائط پر ہی ختم ہوگی۔
