چین کے سفیر کی نائب وزیرِ اعظم سے ملاقات،امن کے لیے پاکستان کے کردار کی تعریف

پاکستان میں چین کے سفیر جیانگ زائی ڈونگ نے اسلام آباد میں نائب وزیرِ اعظم محمد اسحاق ڈار سے ملاقات کی۔
ترجمان دفتر خارجہ کے مطابق اس ملاقات میں نائب وزیرِ اعظم نے مشرقِ وسطیٰ اور مغربی ایشیا میں دیرپا امن و استحکام کے حصول کے لیے مکالمے اور سفارتکاری کے فروغ کے حوالے سے پاکستان کے مسلسل عزم کو اجاگر کیا۔
چینی سفیر نے مشرقِ وسطیٰ اور خلیجی خطے میں امن و سلامتی کے فروغ کے لیے پاکستان کے تعمیری کردار پر چینی حکومت کی گہری قدردانی کا اظہار کیا۔ دونوں فریقین نے اس امید کا اظہار کیا کہ جاری کوششیں تمام فریقین کے مفاد میں خطے میں پائیدار امن و استحکام کا باعث بنیں گی۔