پاکستان کی میزبانی میں امریکہ اور ایران کے درمیان مذاکرات کا آغاز ، ذرائع کے مطابق مذاکرات کے دو سے زائد دور خوشگوار ماحول میں مکمل کئے گئے اور اب آج اتوار کو بھی مذاکرات جاری رہیں گے ۔
اسلام آباد: امریکہ اور ایران کے درمیان کشیدگی کے بعد پہلی مرتبہ پاکستان کی میزبانی میں اسلام آباد میں مذاکرات ہو رہے ہیں جہاں دونوں فریقین کشیدگی کے بعد پہلی بار براہ راست ایک میز پر بیٹھے ہیں ۔
سرکاری میڈیا کے مطابق اسلام آباد میں ایران اور امریکہ کے درمیان تاریخ ساز امن مذاکرات کا آغاز ہو گیا ہے جہاں دونوں فریقین کشیدگی کے بعد پہلی بار براہ راست ایک میز پر بیٹھے ہیں، خوشگوار ماحول میں تفصیلی بات چیت کی ۔
اعلیٰ سطح کے وفود کی آمد پاکستان کی مؤثر سفارت کاری اور عالمی قیادت کے مثبت بیانات نے جنگ بندی اور خطے میں پائیدار امن کی امید کو مزید تقویت دی ہے جبکہ دنیا کی نظریں ان اہم مذاکرات کے نتائج پر مرکوز ہیں ۔
اسلام آباد مذاکرات میں امریکی وفد کی سربراہی نائب صدر جے ڈی وینس کر رہے ہیں، جس میں ٹرمپ کے داماد جیرڈ کشنر اور مشرق وسطیٰ کے لیے امریکی نمائندہ خصوصی سٹیو وٹکوف شامل ہیں ۔
ایرانی وفد پارلیمنٹ کے سپیکر محمد باقر قالیباف کی سربراہی میں وزیرخارجہ عباس عراقچی اور دیگر رہنماؤں پر مشتمل وفد مذاکرات میں شریک ہے ۔
رپورٹس کے مطابق ایران اور امریکہ کی معاشی، سیاسی اور قانونی ٹیکنیکل کمیٹیاں بھی ملاقاتیں کر رہی ہیں اور مذاکرات میں دونوں اطراف سے ان کے ماہرین بھی شرکت کر رہے ہیں ۔
ذرائع کا کہنا ہے کہ مذاکرات کئ کئی دور ہوئے اور یہ مذاکرات اتوار کو بھی جاری رہنے کا امکان ہے ۔
