پی ایس ایل الیون میں پشاور زلمی نے لاہور قلندرز کو 76 رنز کے بڑے مارجن سے شکست دے دی، پشاور کے 173 رنز ہدف کے تعاقب میں لاہور کی پوری ٹیم 97 رنز پر ڈھیر ہو گئی ۔
کراچی میں کھیلے گئے میچ میں لاہور قلندرز نے تاس جیت فیلڈنگ کا فیصلہ کیا،پشاور زلمی نے پہلے بیٹنگ کرتے ہوئے 7 وکٹ پر 173رنز بنائے ۔
پشاور کی جانب سے کوسال مینڈس 74 اور کپتان بابر اعظم نے 43 رنز بناکر نمایاں بیٹرز رہے، قلندرز کے کپتان شاہین آفریدی نے 3 اورمستفیض الرحمان نے 2 وکٹیں حاصل کیں ۔
مقررہ ہدف کے تعاقب میں لاہور قلندرز کی بیٹنگ لائن ایک بار پھر فیل ہوگئی اور پوری ٹیم 17 اوورز میں 97 رنز بناکر آؤٹ ہوگئی، فخر زمان اورعبداللہ شفیق نے 21،21 اور ویلا لاگے نے 20 رنز بنائے ۔
پشاور زلمی کی جانب سے مائیکل بریسویل اور سفیان مقیم نے 3، 3 کھلاڑیوں کو آؤٹ کیا، شاندار اننگز کھیلنے پر کوسال مینڈس میچ کے بہترین کھلاڑی قرار پائے ۔
