ایشین گیمز کرکٹ کے فائنل میں بھارت نے پاکستان کو سنسنی خیز مقابلے کے بعد 19 رنز سے ہراکر گولڈ میڈل اپنے نام کر لیا، فائنل میں بھارت نے پاکستان کو جیت کے لیے 212 رنز کا ہدف دیا، جس کے جواب میں پاکستانی ٹیم 192 رنز بنا سکی ۔
جاپان کے شہر نشین میں کھیلے گئے کرکٹ ایونٹ کے فائنل میچ میں بھارت کے کپتان شیریاس ائیر نے ٹاس جیت کر پہلے بیٹنگ کا فیصلہ کیا، اس موقع پر ایک بار پھر دونوں کپتانوں نے ہاتھ نہیں ملایا ۔
بھارتی ٹیم نے مقررہ 20 اوورز میں 6 وکٹ پر211 رنز بنائے، ابھیشک شرما نے 61، تلک ورما ناقابلِ شکست 51، شویام دوبے 27، شریاس ائیر 21 اور ایشان کشن نے 20 رنز بنائے، پاکستان کی جانب سے عرفات منہاس اور احمد دانیال نے 2، 2 وکٹیں حاصل کیں ۔
بعد ازاں پاکستان ٹیم مقررہ اوورز میں 6 وکٹ پر 192 رنز بنا سکی، حسن نواز نے شاندار بیٹنگ کرتے ہوئے 96 رنز کی اننگز کھیلی، صائم ایوب نے 29 اور معاذ صداقت نے 23 رنز بنائے ۔
پاکستان کرکٹ ٹیم کی پلیئنگ الیون میں ایک تبدیلی کی گئی تھی، وسیم جونیئر کی جگہ سعد مسعود کو ٹیم میں شامل کیا گیا تھا ۔
