نائب وزیر اعظم کا سعودی وزیر خارجہ سے ٹیلیفونک رابطہ، اسلام آباد مذاکرات سے آگاہ کیا

نائب وزیر اعظم و وزیر خارجہ سینیٹر محمد اسحاق ڈار نے سعودی عرب کے وزیر خارجہ شہزادہ فیصل بن فرحان سے ٹیلیفونک رابطہ کیا۔
ترجمان دفتر خارجہ کے مطابق نائب وزیر اعظم نے "اسلام آباد مذاکرات” سے متعلق پیش رفت سے آگاہ کیا اور اس بات پر زور دیا کہ تمام فریقین اپنی جنگ بندی کے وعدوں کی مکمل پاسداری کریں۔ انہوں نے مکالمے کے فروغ میں پاکستان کے کردار کو اجاگر کرتے ہوئے اس عزم کا اعادہ کیا کہ پاکستان تمام سفارتی کوششوں کی حمایت جاری رکھے گا اور خطے اور اس سے باہر امن و استحکام کے فروغ کے لیے بات چیت کا سلسلہ برقرار رکھا جائے گا۔