ایران اور امریکہ کے درمیان مذاکرات کے دوسرے دور کی خبروں کے بعد عالمی منڈی میں خام تیل کی قیمتوں میں کمی دیکھنے میں آئی ہے۔ غیر ملکی میڈیا کے مطابق عالمی مارکیٹ میں تیل کی قیمتوں میں استحکام پیدا ہونا شروع ہوگیا ہے۔
برطانوی برینٹ کروڈ کی قیمت میں تقریباً 1.2 فیصد کمی ریکارڈ کی گئی، جس کے بعد اس کی قیمت کم ہو کر 98 ڈالر 58 سینٹ فی بیرل ہو گئی ہے۔ اسی طرح ویسٹ ٹیکساس انٹرمیڈیٹ ڈبلیو ٹی آئی خام تیل کی قیمت میں بھی 1.7 فیصد کمی ہوئی ہے، جس کے بعد اس کی قیمت 97 ڈالر 56 سینٹ فی بیرل تک آ گئی ہے۔
میڈیا رپورٹس کے مطابق ایران اور امریکہ کے درمیان مذاکرات کی خبروں نے عالمی منڈی پر مثبت اثر ڈالا ہے، جس کے باعث سرمایہ کاروں میں اعتماد بڑھا ہے اور قیمتوں میں کمی دیکھنے میں آئی ہے۔
دوسری جانب امریکی وزیر توانائی کرس رائٹ کا کہنا ہے کہ یہ کمی عارضی ہو سکتی ہے اور مستقبل میں تیل کی قیمتوں میں دوبارہ اضافہ متوقع ہے۔ ان کا مزید کہنا تھا کہ جیسے جیسے عالمی تنازعات میں کمی آئے گی، ویسے ہی عالمی منڈی مزید مستحکم ہو جائے گی۔
