حکومت نے پٹرولیم مصنوعات کی قیمتوں میں بڑا اضافہ کردیا ،پیٹرول 26 روپے 77 پیسے جبکہ ڈیزل کی قیمت میں بھی 26 روپے 77 پیسے فی لیٹر اضافہ کردیا گیا، دوسری جانب مٹی کے تیل کے نرخ میں فی لٹر 63 روپے60 پیسے کمی کی گئی ہے ۔
اسلام آباد: پیٹرولیم ڈویژن کی جانب سے جاری اعلامیے کے مطابق پیٹرول اور ڈیزل کی قیمتوں میں اضافہ جبکہ مٹی کے تیل کے نرخ میں بڑٰ کمی کی گئی ہے ۔
نوٹیفکیشن کے مطابق پیٹرول اور ڈیزل کی فی لٹر قیمت میں 26 روپے 77 پیسے کمی کی گئی ہے جس کے بعد پٹرول کی نئی قیمت 393 روپے 35 پیسے فی لیٹر جبکہ ڈیزل کی نئی قیمت 380 روپے 19پیسے فی لیٹر مقرر کی گئی ہے ۔
دوسری جانب حکومت نے مٹی کا تیل 63 روپے60 پیسےفی لیٹرسستا کردیا اور مٹی کے تیل کی نئی قیمت 365 روپے 21 پیسے فی لیٹر ہوگئی ۔
پٹرولیم ڈویژن نوٹیفکیشن کے مطابق نئی قیمتوں کا اطلاق رات 12 بجے سے ہو چکا ہے ۔
پٹرولیم مصنوعات کی قیمتوں میں اضافے کے بعد وزیر پیٹرولیم علی پرویز ملک کا کہنا ہے کہ علاقائی کشیدگی کی وجہ سے عالمی منڈی میں تیل کی قیمتوں میں ایک مرتبہ پھر سے اضافہ ہو رہا ہے، عالمی شراکت داروں سے معاہدوں کی وجہ سے حکومت کو اضافے کا بوجھ منتقل کرنے کے لیے اقدامات کرنے پڑرہے ہیں ۔
