پاکستان کے دورے پر آئے ایران کے وزیرخارجہ عباس عراقچی نے چیف آپ ڈیفنس فورسز فیلڈ مارشل عاصم منیر سے ملاقات کی۔ ایرانی سفارتخانے کی جانب سے جاری بیان میں کہا گیا ہے کہ اپنے دورے کے دوران ایرانی وزیر خارجہ عباس عراقچی نے پہلی باضابطہ ملاقات فیلڈ مارشل عاصم منیر سے کی۔
شہباز شریف سے عباس عراقچی آج وزیراعظم ہاؤس میں اہم ملاقات کریں گے۔ ذرائع کے مطابق ملاقات میں اہم سیاسی اور عسکری قیادت بھی شریک ہوگی، جبکہ ایرانی وزیر خارجہ اپنے وفد کے ہمراہ شریک ہوں گے۔ ذرائع کا کہنا ہے کہ اس ملاقات میں دوطرفہ تعلقات، خطے کی صورتحال اور اہم سفارتی امور پر تبادلہ خیال کیا جائے گا۔ ملاقات کے بعد ایرانی وفد مسقط اور ماسکو روانہ ہو جائے گا، جہاں مزید سفارتی رابطے جاری رکھے جائیں گے۔
