نائب وزیر اعظم و وزیر خارجہ سینیٹر محمد اسحاق ڈار نے گزشتہ رات ایرانی وزیر خارجہ سید عباس عراقچی سے ٹیلیفون پر رابطہ کیا۔
گفتگو کے دوران دونوں رہنماؤں نے خطے کی مجموعی صورتحال اور امن و استحکام کے لیے جاری سفارتی کوششوں پر تفصیلی تبادلہ خیال کیا۔
ایرانی وزیر خارجہ نے مختلف فریقین کے درمیان تعمیری کردار اور مخلصانہ ثالثی کی کوششوں پر پاکستان کو سراہا۔ اس موقع پر اسحاق ڈار نے پاکستان کے اس عزم کا اعادہ کیا کہ وہ خطے اور اس سے آگے پائیدار امن اور استحکام کے فروغ کے لیے مثبت اور تعمیری روابط جاری رکھے گا۔
انہوں نے اس بات پر زور دیا کہ مسائل کے پرامن حل کے لیے مذاکرات اور سفارت کاری ہی واحد مؤثر راستہ ہیں، جو دیرپا امن اور استحکام کے حصول کو یقینی بنا سکتے ہیں۔
