امریکی صدر ڈونلڈ ٹرمپ نے کہا ہے کہ برطانیہ کے بادشاہ شاہ چارلس بھی اس بات سے متفق ہیں کہ ایران کو ایٹم بم رکھنے کی اجازت نہیں ہونی چاہیے، کیونکہ امریکہ ایران کو فوجی طور پر شکست دے چکا ہے۔
وائٹ ہاؤس میں شاہ چارلس اور ملکہ کے اعزاز میں دیے گئے عشائیے سے خطاب کرتے ہوئے صدر ٹرمپ نے کہا کہ امریکہ اور برطانیہ کے درمیان آج بھی مضبوط اور قریبی تعلقات قائم ہیں۔ اس موقع پر شاہ چارلس نے امریکہ کے ساتھ غیر متزلزل عزم کا اظہار کرتے ہوئے کہا کہ یورپ اور امریکہ کے درمیان شراکت داری نہایت اہم ہے۔
دوسری جانب امریکہ میں برطانیہ کے سفیر کرسچن ٹرنر نے کہا ہے کہ امریکہ کے قریبی اور خصوصی تعلقات صرف اسرائیل کے ساتھ ہی نہیں بلکہ برطانیہ کے ساتھ بھی ہیں۔ ان کا کہنا تھا کہ امریکہ اور برطانیہ کے درمیان بالخصوص دفاع اور معیشت کے شعبوں میں گہرے روابط موجود ہیں، تاہم موجودہ عالمی حالات تیزی سے تبدیل ہو رہے ہیں۔
