ڈھاکہ ٹیسٹ کے چوتھے روز کا کھیل ختم ہونے تک بنگلادیش نے پاکستان کے خلاف 179 رنز کی مجموعی برتری حاصل کرلی، میچ کے چوتھے روز 3 گھنٹے کا کھیل بارش سے متاثرہ ہوا ۔
ڈھاکہ میں جاری پہلے ٹیسٹ کے چوتھے روز کا کھیل بھی بارش سے متاثر ہوا، تاہم بنگلہ نے کھیل ختم ہونے تک 3 وک کے نقصان پر 152 رنز بنائے اور 179 رنز کی مجموعی برتری حاصل کرلی ۔
بنگلادیش کی جانب سے شادمان اسلام 10،مومن الحق 56 اور محمود الحسن 5 رنز بناکر آوٹ ہوئے، پاکستان کی جانب سے شاہین شاہ آفریدی، حسن علی اور محمد عباس نے ایک، ایک وکٹ حاصل کی ۔
بنگلادیش کی ٹیم پہلی اننگز میں 413 رنز پر آؤٹ ہو گئی تھی جبکہ قومی ٹیم پہلی اننگز میں 386 رنز پر آؤٹ ہو گئی اور یوں بنگلادیش کو پہلی اننگز میں 27 رنز کی برتری حاصل ہو گئی ۔
