بھارت نے پہلے ون ڈے میچ میں افغانستان کو 7 وکٹوں سے شکست دے کر 3 میچز کی سیریز میں ایک صفر کی برتری حاصل کرلی، 25 اوورز تک محدود رہنےوالے میچ میں بھارت نے 195 رنز کا ہدف 22.5 اوورز میں 3 وکٹوں کے نقصان پر حاصل کیا ۔
دھرمسالہ کرکٹ گراونڈ میں کھیلے گئے پہلے ون ڈے میچ میں افغانستان نے پہلے کھیلتے ہوئے مقررہ 25 اوور میں 194 رنز بنائے اور تمام کھلاڑی آوٹ ہوئے ، بھارت کی جانب سے گرنور برار اور ہارش دوبے نے 3،3 وکٹیں حاصل کیں ۔
افغانستان کی جانب سے رحمان اللہ گرباز نے شاندار اننگز کھیل کر 102 رنز بنائے ،حشمت اللہ شہیدی 27 اور عظمت اللہ عمرزئی 26 رنز بنانے میں کامیاب رہے ۔
بھارتی ٹیم نے مقررہ ہدف 22.5 اوورز میں 3 وکٹوں کے نقصان پر پورا کرکے کامیابی حاصل کی اور 3 میچز کی سیریز میں ایک صفر کی برتری بھی حاصل کرلی ۔
بھارت کی جانب سے کپتان شبھمن گل نے سب سے زیادہ 84 رنز کی ناقابل شکست اننگز کھیلی، کے ایل راہول 39 اور ایشان کشن 34 رنز بنا سکے ۔
افغانستان کی جانب سے راشد خان اور ضیاالرحمان نے ایک ،ایک کھلاڑی کو آوٹ کیا ۔
