نیشنل ڈیزاسٹر مینجمنٹ اتھارٹی کی جانب سے مون سون کی ابتدائی بارشوں ک دوران جانی و مالی نقصانات کی رپورٹ جاری ، این ڈی ایم اے کے مطابق بارشوں کے باعث ملک کے مختلف علاقوں میں مختلف واقعات سامنے آئے ، جن میں 17 افراد جاں بحق جبکہ 41 زخمی ہوئے ہیں ۔
اسلام آباد: این ڈی ایم اے کی جانب سے جاری بیان کے مطابق گزشتہ 24 گھنٹوں کے دوران بارشوں کے دورران ایک شخص جاں بحق جبکہ 3 افراد زخمی ہوئے ۔
این ڈی ایم اے کا کہنا ہے کہ 26 جون سے اب تک بارشوں سے متعلق مختلف حادثات میں مجموعی طور پر 17 افراد جان کی بازی ہار چکے ہیں جب کہ 41 افراد زخمی ہوئے ہیں ۔
این ڈی ایم اے کی رپورٹ میں مزید بتایا گیا ہے کہ بارشوں کے دوران جاں بحق افراد میں 8 بچے، 5 مرد اور 4 خواتین شامل ہیں، دوسری جانب صوبہ وار اعداد و شمار میں انکشاف ہوا ہے کہ خیبرپختونخوا میں 9، پنجاب میں 4 اور بلوچستان میں 4 افراد جاں بحق ہوئے جب کہ زخمیوں میں خیبرپختونخوا کے 26، پنجاب کے 9 اور بلوچستان کے 6 افراد شامل ہیں ۔
