اسلام آباد: نائب وزیراعظم محمد اسحاق ڈار نیویارک میں اقوام متحدہ جنرل اسمبلی کے 81ویں اجلاس میں شرکت کے بعد اسلام آباد واپس پہنچ گئے۔
ترجمان دفتر خارجہ کے مطابق نائب وزیراعظم پی آئی اے کی پرواز کے ذریعے اسلام آباد واپس پہنچے۔
دورے کے دوران نائب وزیراعظم نے وزیراعظم کے ہمراہ اعلیٰ سطح سرگرمیوں میں شرکت کی۔
انہوں نے مختلف ممالک کے ہم منصبوں کے ساتھ دوطرفہ ملاقاتیں کیں۔
نائب وزیراعظم محمد اسحاق ڈار نے اقوام متحدہ اور اسلامی تعاون تنظیم کے اجلاسوں میں شرکت کی.
نائب وزیراعظم نے اقتصادی تعاون تنظیم کی وزرائے کونسل کے 27ویں غیر رسمی اجلاس کی صدارت بھی کی۔
انہوں نے مصنوعی ذہانت اور وبائی امراض سے نمٹنے کی تیاری سے متعلق اعلیٰ سطح اجلاسوں سے بھی خطاب کیا۔
نائب وزیراعظم محمد اسحاق ڈار نے فلسطین اور جموں و کشمیر کے بارے میں پاکستان کے اصولی مؤقف کا اعادہ کیا۔
محمد اسحاق ڈار نے علاقائی امن و استحکام کے فروغ کے لیے بات چیت اور سفارت کاری کی اہمیت پر بھی زور دیا۔
