فتنه خوارج ٹی ٹی پی کی جانب سے میتوں کی حرمت کا معاملہ اٹھانے سے قبل سوال هے کہ آج لاشوں کے احترام کی بات کرنے والوں کو زندہ انسانوں کی حرمت کیوں یاد نہیں آتی؟ مساجد، مزارات، بازاروں اور تعلیمی اداروں میں خونریزی کرنے والے کس اخلاقی حیثیت سے انسانی احترام کا درس دیتے ہیں؟ مسلمانوں کا خون بہانا، سر قلم کرنا اور ان کی ویڈیوز جاری کرنا انسانیت کی خدمت نہیں بلکہ سفاکی کا اظہار ہے ۔
کالعدم ٹی ٹی پی کی جانب سے سر قلم کرنے کی ویڈیوز جاری کیے جانے کی خبرين موجود ہیں، جبکہ شمالی وزیرستان میں دہشت گردوں کے ہاتھوں مقتولین کے سروں سے فٹبال کھیلنے کى تصاوير موجود ہيں، ایسے سنگین جرائم کا حساب دیے بغیر انسانی حرمت کے علم بردار بننا کھلا تضاد ہے، دہشت گردی کے متاثرین اور ان کے اہلِ خانہ کے دکھ کو پروپیگنڈے سے مٹایا نہیں جا سکتا ۔
اسلام میں میت کی بے حرمتی حرام اور بے گناہ انسان کا قتل عظیم جرم ہے، انسانی جان اور میت، دونوں کی حرمت لازم ہے، میت کے احترام کا حوالہ دے کر دہشت گردون کے جرائم معاف نہیں ہو جاتے۔ بے گناہوں کے قاتل اپنے لیے احترام کا مطالبہ کرتے ہوئے مقتولین کے حقِ زندگی اور ان کے خاندانوں کے حقوق کو کیسے نظرانداز کر سکتے ہیں؟
پاکستان کی عوام مسلح افواج اور سلامتی کے اداروں کی دہشت گردی کے خلاف جدوجہد کی بھرپور تائید و حمایت کرتے هين پاكستان كى عوام كا مؤقف ہے کہ پاکستانی افواج اور سلامتی کے ادارے دشمن کے ساتھ بھی اسلامی اقدار، انسانی وقار اور پیشہ ورانہ اصولوں کے مطابق برتاؤ کرتے ہیں ۔
ان اداروں کی قربانیوں کو دہشت گرد تنظیم کی الزام تراشی سے داغ دار کرنے کی کوشش ناقابلِ قبول ہے۔ کسی مخصوص واقعے کا فیصلہ قابلِ تصدیق شواہد سے ہوگا، دہشت گردوں کے دعووں سے نہیں ۔
ٹی ٹی پی پہلے بے گناہوں کا قتل بند کرے، مسلح تشدد ترک کرے اور اپنے جرائم کے لیے جواب دہ ہو، پاکستان کے عوام، علماء اور مشائخ دہشت گردی کے خاتمے اور شہریوں کے جان و مال کے تحفظ کے لیے اپنی مسلح افواج اور سلامتی کے اداروں کے ساتھ کھڑے ہیں۔ میتوں کی حرمت کا نعرہ زندہ انسانوں کے قاتلوں کو بری الذمہ نہیں کر سکتا ۔

