چین میں 23 سالہ لڑکی نے 80 سالہ شخص سے شادی کرلی ہے۔
چین میں 23 سالہ لڑکی نے والدین سمیت پورے خاندان بھر کی مخالفت کرتے ہوئے 80 سالہ شخص سے شادی کرلی۔غیر ملکی میڈیا کے مطابق محبت کی یہ انوکھی اور دلچسپ کہانی چین کے صوبے ہیبی کے نرسنگ ہوم میں شروع ہوئی جدھر23 سالہ ژیاؤفانگ رضاکارانہ طور پر کام کرتی تھی کہ اس دوران ژیاؤفانگ کی ملاقات 80 سالہ مسٹرلی سے ہوئی۔
ژیاؤفانگ اور مسٹرلی دونوں کے ایک جیسے ہی مشاغل اور دلچسپیاں دوستی کی وجہ بن گئیں اور وقت گزرنے کے ساتھ ساتھ کم عمر دوشیزہ مسٹر لی کی دانشمندی سے خوب متاثر ہو گئی،اور ان سے محبت کر بیٹھیں۔ دونوں نے شادی کا فیصلہ کرلیا۔ژیاؤ فانگ کے اہلخانہ بیٹی کی ان کے دادا کی عمر کے شخص کے ساتھ شادی کی لیے بالکل بھی رضامند نہ ہوئے لیکن اس کے باوجود بھی جوڑے نے علیحدگی کے بجائے ایک دوسرے کے ساتھ رہنے کا فیصلہ کیا۔ حال ہی میں جوڑے نےایک سادہ سی تقریب میں شادی کی ہے، جس میں لڑکی کے خاندان والوں میں سے کوئی بھی شریک نہیں ہوا۔
