جنوبی وزیرستان کے وانا بازار میں 9 مئی کے حوالے سے پی ٹی آئی کا بڑا جلسہ منعقد ہوا ہے۔
اس جلسے میں قبائیلی عمائدین اورپارٹی ورکرز نے بھرپور شرکت کی۔اس جلسے کی قیادت کرنے والے ایم پی اے عجب گل وزیر نے اپنے خطاب میں کہا ہے کہ جن اداروں میں مگرمچھ بیٹھے ہیں ان کی صفائی کئے بغیر یہ ملک کبھی بھی ترقی نہیں کرسکتا۔ان کے مطابق اسمبلیوں میں چور بیٹھے ہوئے ہیں، ان سب کے ساتھ بیٹھنا زیب نہیں دیتا۔عجب گل وزیر نے پرجوش انداز میں کہا کہ لوگوں کو یاد رکھنا چاہے کہ ایک دن پاکستان کے وزیر اعظم خان صاحب ہوگے۔مزید انہوں نے زور دیتے ہوئے کہا ہے کہ 9 مئی کے واقعات کی تحقیقات کیلئے جوڈیشل کمیشن تشکیل دی جائے۔
