اسلام آباد ،پشاور، لاہور اور کراچی سمیت ملک کے مختلف شہروں کے عوام نے سال کے آخری سپر مون کا براہ راست دلکش نظارہ کیا ۔
اسلام آباد/پشاور: رواں سال کے آخری سپر مون کا نظارہ کرتے شہریوں کو چاند معمول سے 15 فیصد زیادہ روشن نظر آیا، سپارکو کے مطابق اس وقت چاند کا زمین سے فاصلہ 3 لاکھ 57 ہزار 218 کلومیٹر ہے ۔
زمین کے قریب ہونے کی وجہ سے چاند عام دنوں کے مقابلے 7 اعشاریہ 9 فیصد بڑا اور زیادہ روشن دکھائی دے رہا ہے، پاکستان میں سپر مون صبح 4 بج کر 15 منٹ پر مکمل عروج پر تھا ۔
یاد رہے کہ جب چاند بیضوی مدار میں زمین کے سب سے قریب ہو تو سپر مون ہوتا ہے، سپر مون کیلئے چاند کا مکمل طور پر روشن ہونا بھی ضروری ہے، سپر مون قربت کی وجہ سے عام دنوں کے چاند کے مقابلے بڑا اور زیادہ روشن دکھائی دیتا ہے ۔
