افغانستان کے وکٹ کیپر بلے باز رحمان اللہ گرباز نے کہا ہے کہ ان کی کرکٹ کیریئر کا سب سے تکلیف دہ لمحہ وہ دن تھا جب افغانستان کو 2022 کے ایشیا کپ میں پاکستان نے شکست دی تھی اور نسیم شاہ نے چھکے مارے تھے ۔
بھارتی میڈیا کو انٹرویو دیتے ہوئے افغان وکٹ کیپر بیٹر رحمان اللہ گرباز نے کہا کہ ایشیا کہ 2022 میں پاکستان کے خلاف ہار آسٹریلیا کے خلاف شکست سے زیادہ دکھ دینے والی تھی ۔
رحمان اللہ گرباز کا مزید کہنا تھا کہ میرے لیے پاکستان سے ہار ہی زیادہ تکلیف دہ تھی کیونکہ لوگ بہت متاثر ہوئے تھے ۔
انہوں نے انکشاف کیا کہ پاکستان کی جیت اور نسیم شاہ کےا ٓخری اوور میں چھکوں کے بعد میں نے خود دیکھا کہ لوگ بہت روئے اور بعض افغان شہریوں نے خودکشی بھی کی ۔
رحمان اللہ گرباز کے مطابق جب لوگ اتنے جذباتی ہوتے ہیں تو ہمیں بھی تکلیف ہوتی ہے، ہم بھی انسان ہیں اور اپنے شائقین کے لیے کھیلتے ہیں ۔
انہوں نے مزید کہا کہ اب جب بھی میں شارجہ گراؤنڈ جاتا ہوں تو مجھے وہ لمحے یاد آ رہے ہیں کہ پاکستان کے خلاف کیسے ہم ہار گئے تھے ۔
