شارجہ میں سہ فریقی سیریز کے افتتاحی میچ میں پاکستان اور افغانستان مدمقابل آئے، افغان شائقین نے طوفان بدتمیزی کیا اور بغیر ٹکٹ سٹیڈیم میں داخل ہوگئے، اپنے لئے مختص دروازہ بھی توڑ دیا ۔
میڈیا رپورٹس کے مطابق ماضی کی طرح افغان شائقین پھر طوفان بدتمیزی مچاتے ہوئے نہ صرف بغیر ٹکٹ سٹیڈیم میں داخل ہوئے بلکہ مرکزی گیٹ کے ساتھ شائقین کیلئے مختص دروازہ بھی توڑ دیا ۔
شارجہ سٹیڈیم کی انتظامیہ نے ماضی کے واقعات کو مدںظر رکھتے ہوئے پاک افغان شائقین کے لیے الگ الگ اسٹینڈز، پویلینز اور راستے مختص کیے تھے ۔
دونوں ممالک کے شائقین کے لیے ٹکٹس کے رنگ بھی مختلف رکھے گئے تھے، واضح رہے کہ اس سے قبل بھی شکست کے بعد افغان شائقین مشتعل ہوتے رہے ہیں ۔
