Latest Urdu news from Pakistan - Peshawar, Lahore, Islamabad

پاکستان اسٹاک ایکس چینج کے تمام ریکارڈ ٹوٹ گئے،75 ہزار کی حد بھی عبور

پاکستان اسٹاک ایکس چینج کے تمام ریکارڈ ٹوٹ گئے ہیں۔75 ہزار کی حد بھی عبور ہوگئی ہے۔

پاکستان اسٹاک ایکس چینج نے ملکی تاریخ کے تمام ریکارڈ  کو توڑ دیا ہے،100 انڈیکس پہلی مرتبہ 75 کی حد عبور کر گیا ہے۔بدھ کو آغاز پر ہی کاروبار میں تیزی دیکھی گئی تھی، کاروبار کے شروع ہوتے ہی اسٹاک ایکس چینج کے 100 انڈیکس میں 308 پوائنٹس کا اضافہ ہوا جو کہ تھوڑی ہی دیر میں 563 کی سطح پر پہنچ گیا جس کے بعد انڈیکس ملکی تاریخ کی بلند ترین سطح 75 ہزار 94 پوائنٹس پر ٹریڈ کرتے دیکھا گیا۔یاد رہے کہ سٹاک مارکیٹ میں گزشتہ روز 57 کروڑ شیئرز کے سودے 23.4 ارب روپے میں طے ہوئے جبکہ مارکیٹ کیپٹلائزیشن 78 ارب روپے بڑھ کر 10 ہزار 37 ارب روپے پر چلی گئی ہے۔

یاد رہے کہ اسٹاک ایکس چینج میں گذشتہ کئی ہفتوں سے تیزی کی طرف رجحان ریکارڈ کیا جا رہا ہے اور رواں کاروباری ہفتے کے آغاز میں ہی انڈیکس نے 74000 پوائنٹس کی سطح عبور کر لی تھی اور اس دوران مقامی اور بیرونی سرمایہ کاروں کی طرف سے سٹاک مارکیٹ میں خریداری کا رجحان غالب رہا ہے۔پاکستان میں سٹاک مارکیٹ کے تجزیہ کاروں نے کہا ہے کہ ملکی معیشت کے محاذ پر چند حالیہ مثبت پیش رفت سٹاک ایکسچینج میں تیزی کی وجہ بنی ہیں۔ اس وقت پاکستان آئی ایم ایف سے ایک نئے پروگرام کے لیے مذاکرات کر رہا ہے جس کے تحت پاکستان آئی ایم ایف سے آٹھ ارب ڈالر کا قرض حاصل کرنے کا خواہاں ہے۔ دوسری طرف ملک میں مہنگائی میں کمی کی وجہ سے شرح سود میں بھی کمی کا امکان ظاہر کیا گیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.