گزشتہ روز بلوچستان کے شہر خضدار میں سکول بس پر دہشت گرد حملے کی ایک اور زخمی طالبہ دم توڑ گئی، حملے میں شہید ہونے والوں کی مجموعی تعداد 6 ہو گئی ۔
ہسپتال انتظامیہ کے مطابق 12 سالہ زخمی طالبہ کو گزشتہ روز کوئٹہ منتقل کیا گیا تھا،زخمی طالبہ ہسپتال میں دم توڑ گئی ، دھماکے کے 35 زخمی زیرِ علاج ہیں جن میں سے 5 کی حالت تشویشناک ہے ۔
دوسری جانب خضدار میں بس پر دہشت گرد حملے کا مقدمہ سی ٹی ڈی تھانہ خضدار میں درج کرلیا گیا ہے۔
سی ٹی ڈی کے حکام کے مطابق مقدمہ پولیس کی مدعیت میں درج کیا گیا جس میں قتل، اقدام قتل اور انسداد دہشتگردی کی دفعات شامل کی گئی ہیں ۔
