گھریلو صارفین پر 1000 روپے تک بجلی کے فکسڈ چارجز لگانےکی منظوری دے دی گئی ہے۔
نیپرا نے یکم جولائی 2024 سے فکسڈ چارجز لگانے اور اضافےکی منظوری دی ہے۔ماہانہ 301 سے 400 یونٹ استعمال کرنے پر200 روپے، 401 سے500 یونٹ بجلی کے استعمال پر400 روپے فکسڈ چارجز ہوں گے۔ماہانہ 501 سے 600 یونٹ استعمال پر 600 روپے،601 سے 700 یونٹ استعمال پر فکسڈ چارجز 800 روپے لگانے کی منظوری دی گئی ہے۔
ماہانہ 700 یونٹ سے زیادہ استعمال پر ایک ہزار روپے فکسڈ چارجز عائد ہوں گے۔
نیپرا نے صنعتی صارفین کے لیے ماہانہ فکسڈ چارجز 184 فیصد بڑھانے کی بھی منظوری دی ہے، صنعتی صارفین کےلیے ماہانہ فکسڈ چارجز 440 سے بڑھ کر 1250 روپے ہوجائیں گے۔
