بنوں کینٹ میں دہشتگردوں کے حملے کی بزدلانہ کوشش کو سیکیورٹی فورسز نے ناکام بنادیا ہے۔
دہشتگردوں نے بارودی مواد سے بھری گاڑی کو کینٹ کی بیرونی دیوار سے ٹکرایا جس سے زوردار دھماکہ ہوا۔
دھماکے کے فوری بعد دہشتگردوں نے سیکیورٹی اہلکارو پر خودکار اسلحے سے فائرنگ شروع کردی ۔ جانباز اہلکاروں کی جوابی کارروائی سے حملہ آور چاروں دہشتگرد ہلاک ہوگئے۔ہلاک دہشتگردوں میں ایک خودکش حملہ آور بھی شامل تھا ۔
دہشتگردوں کی فائرنگ سے 8 سیکیورٹی اہلکار شہید اور 77 زخمی ہوگئے۔
دھماکے سے کینٹ کے قریب واقع گھروں کی دیواروں کو بھی نقصان پہنچا،چار خواتین سمیت 8 مقامی افراد زخمی بھی ہوئے ۔
سیکیورٹی ذرائع کے مطابق بنو کینٹ میں سرچ آپریشن کو مکمل کردیا گیا ہے اور علاقے میں ڈرون پروازین بھی جاری رہیں۔
