پشاور: سوات کے علاقے ملم جبہ میں اتوار کے روز غیرملکی سفارت کاروں کے قافلے پر ہونے ولے بم دھماکے پر ڈی آئی جی مالاکنڈ اور ڈی پی او سوات کو عہدے سے ہٹادیا گیا۔
سرکاری حکام کے مطابق ڈی آئی جی محمد علی گنڈاپور اور ڈی پی او سوات زاہد اللہ کو سی پی او پشاور رپورٹ کرنےکی ہدایت کی گئی ہے۔
پولیس کے مطابق سوات کے علاقے مالم جبہ میں 22 ستمبر کو غیرملکی سفارت کاروں کے قافلے پر دھماکاہوا تھا، دھماکے میں میں ایک پولیس اہلکار شہید اور 3 زخمی ہوئے تھے، دھماکے میں تمام سفارت کار محفوظ رہے تھے۔
واضح رہے کہ صوبائی حکومت کی جانب سے معاملے کی تحقیقات کے لیے دو رکنی کمیٹی قائم کردی گئی ہے جس میں ایڈیشنل آئی جی انویسٹی گیشن اور سپیشل سیکرٹری داخلہ شامل ہیں۔
اعلامیے کے مطابق کمیٹی واقعے کی مختلف پہلوؤں سے تحقیقات کرے گی اور تحقیقات کے بعد تفصیلی رپورٹ تیار کرکے صوبائی حکومت کو پیش کرے گی۔
