اسلام آباد: وفاقی وزیر اطلاعات عطاء اللہ تارڑ نے کہا ہے کہ پوری قوم شہدائے وطن کی قرض دار ہے، جو وطنِ عزیز پر اپنی جانیں نچھاور کرتے ہیں۔
اپنے بیان میں انہوں نے شہدائے وطن کے ورثاء کے حوصلوں کو سلام پیش کرتے ہوئے کہا کہ عظیم ورثاء اپنے پیاروں کو رخصت کرتے وقت بھی ان کی شہادت کی دعائیں کرتے ہیں۔
عطاء اللہ تارڑ نے کہا کہ دلیر اور بہادر سپوت قوم کا سرمایہ ہیں۔
انہوں نے کہا کہ شہداء کے حوالے سے کی جانے والی کسی بھی سیاسی گفتگو کی کوئی گنجائش نہیں، جبکہ وطن کے لیے دی جانے والی قربانیوں کا کوئی مول نہیں ہو سکتا۔
