خیبرپختونخوا میں دہشت گردوں کے خلاف سیکیورٹی فورسز کی تابڑ توڑ کارروائیاں جاری ہیں، باجوڑ میں فائرنگ کے تبادلے میں ایک دہشت گرد ہلاک جبکہ دیگر زخمی حالت میں فرار ہوگئے ۔
باجوڑ: سیکیورٹی ذرائع نے بتایا کہ باجوڑ کے علاقے میں دہشت گردوں کے خلاف کامیاب کارروائیوں کے دوران فائرنگ کے تبادلے میں ایک دہشت گرد ہلاک جبکہ متعدد زخمی ہوگئے، زخمی حالت میں فرار ہوگئے ۔
ذرائع کا مزید کہنا تھا کہ باجوڑ کے علاقے شاہی تنگی جنگل میں موجود دہشت گردوں کے ٹھکانوں اور سرنگوں کا مکمل صفایا کردیا گیا ہے، فورسز نے شاہی تنگی کے جنگل میں موجود غار پر گھات لگا کر بھرپور کارروائی کی، اس موقع پر دہشت گردوں اور فورسز کے درمیان شدید فائرنگ کا تبادلہ بھی ہوا ۔
ذرائع کا کہنا ہے کہ فائرنگ کے نتیجے میں ایک دہشت گرد ہلاک جبکہ دیگر زخمی حالت میں فرار ہوگئے، سیکیورٹی فورسز نے علاقے میں موجود سرنگوں اور قریبی مقامات کو بھی کلیئر کر دیا اور دہشت گردوں کے زیر استعمال اسلحہ، بارودی مواد اور مواصلاتی آلات بھی برآمد کر لیے ۔
