بلوچستان میں 19 اپریل تک مزید بارشوں کی پیشگوئی کر دی گئی ہے
بلوچستان میں ابھی بارشوں کا پہلا سلسلہ تھما نہیں تھا کہ محکمہ موسمیات نےمزید بارشوں کی پیشگوئی کردی ہے۔محکمہ موسمیات نے بتایا کہ آج رات سے صوبے میں رواں ہفتے 19 اپریل تک مزید بارشوں کا امکان ہے۔گزشتہ 24 گھنٹوں کے دوران محکمہ موسمیات کے مطابق کوئٹہ 33، سبی 28، دالبندین، ژوب 19، قلات 16، سمنگلی 11، بارکھان 7، لسبیلہ 5 اور نوکنڈی میں 2 ملی میٹر بارش ریکارڈ کی گئی ہیں۔
پیر کو گوادر،کیچ، پنجگوراور تربت میں تیز ہواؤں اور گرج چمک کے ساتھ بارش ہوئی۔گوادر کی تحصیل پسنی میں جبکہ شدید بارش سے کئی گھروں میں پانی داخل ہوگیا۔آج محکمہ موسمیات کے مطابق منگل کو صوبے کے بیشتر اضلاع میں موسم خشک اور مطلع جزوی ابر آلود رہنے کے علاوہ رات کے اوقات میں چاغی، واشک، کیچ، پنجگور اور گوادر میں گرج چمک کے ساتھ بارش کا امکان ظاہر کیا گیا ہے۔
محکمہ موسمیات نے پیشگوئی کی ہے کہ 16سے 19 اپریل کی صبح تک گوادر، کیچ، آواران، چاغی، خاران، آواران، لسبیلہ، خضدار، قلات، نوشکی، مستونگ، جھل مگسی، نصیر آباد، سبی، کوہلو، ڈیرہ بگٹی، بارکھان، لورالائی، ہرنائی، قلعہ سیف اللہ، مستونگ، زیارت، شیرانی، ژوب، موسیٰ خیل اور بارکھان میں آندھی وجھکڑ چلنے، گرج چمک کے ساتھ بارش اور بعض مقا مات پر شدید موسلادھار بارش کا بھی امکان ہے درجہ حرارت میں جبکہ بارشوں کے باعث نمایاں کمی ہوسکتی ہے۔محکمہ موسمیات نے ہدایت جاری کی ہے کہ تیز بارشوں کے دوران سیاح غیر ضروری سفر سے گریزکریں جبکہ تمام اضلاع کے ڈپٹی کمشنروں کو پی ڈی ایم اے نےالرٹ رہنے کی ہدایت کردی ہے۔
