پشاور (حسن علی شاہ) — باخبر ذرائع کے مطابق وفاقی حکومت نے بینظیر انکم سپورٹ پروگرام (BISP) ختم کرنے کا اصولی فیصلہ کیا ہے، جس کا بنیادی مقصد سرکاری اخراجات میں کمی اور مالی بچت کو یقینی بنانا بتایا جا رہا ہے۔
ذرائع کے مطابق اس مجوزہ فیصلے پر عملدرآمد سے قبل صدر پاکستان آصف علی زرداری اور چیئرمین پاکستان پیپلز پارٹی بلاول بھٹو زرداری کو اعتماد میں لیا جائے گا۔
بینظیر انکم سپورٹ پروگرام کے تحت اس وقت ملک بھر میں لاکھوں مستحق افراد کو مالی امداد فراہم کی جا رہی ہے، اور اگر یہ پروگرام ختم کیا جاتا ہے تو اس کے سیاسی اثرات بھی سامنے آ سکتے ہیں، خاص طور پر پیپلز پارٹی کی عوامی مقبولیت پر اس کے منفی اثرات مرتب ہونے کا خدشہ ظاہر کیا جا رہا ہے۔
تاہم واضح رہے کہ اس حوالے سے تاحال وفاقی حکومت کی جانب سے کوئی باضابطہ نوٹیفکیشن جاری نہیں کیا گیا۔
