پشاور (خصوصی رپورٹر) — خیبر ٹیلی ویژن کی یہ روایت رہی ہے کہ وہ ہمیشہ نصیحت آموز اور بامقصد ڈرامے پیش کرتا آیا ہے، جن میں معاشرتی مسائل اور سچی کہانیوں کو ڈرامائی انداز میں پیش کیا جاتا ہے۔
رواں سہ ماہی میں معروف ڈائریکٹر، لکھاری اور پروڈیوسر اظہار بوبی کا مقبول ڈرامہ سیریل “نیمگڑے روح” ایک بار پھر آن ایئر کیا گیا ہے، جسے ناظرین کی بڑی تعداد دیکھ رہی ہے۔
یہ ڈرامہ سیریل اپنے حساس اور معاشرتی موضوعات کی وجہ سے خاص اہمیت رکھتا ہے اور اس میں انسانی رویوں، قدرتی فیصلوں اور معاشرتی پیچیدگیوں کو اجاگر کیا گیا ہے۔
سیریل کی نمایاں کاسٹ میں سلطان حسین بابا خان، شازمہ حلیم، طارق جمال، ناصر خان، بی بی شیرینے، خالدہ یاسمین، الیاس خلیل، شہناز پشاوری، امتیاز طوطی اور سجاد طورو سمیت دیگر معروف اداکار شامل ہیں۔
