حکومت نے پٹرولیم مصنوعات کی نئی قیمتوں کا اعلان کر دیا، اس حوالے سے وزارت خزانہ کی جانب سے جاری اعلامیے کے مطابق ڈیزل کی قیمت میں فی لٹر 14 روپے کمی کی گئی ہے جبکہ پٹرول کی قیمت کو برقرار رکھا گیا ہے ۔
اسلام آباد: وزارت خزانہ کی جانب سے جاری نوٹیفکیشن کے مطابق ہائی سپیڈ ڈیزل کی قیمت میں 14 روپے کمی کی گئی جبکہ پٹرول کی قیمت کو برقرار رکھا گیا ہے ۔
حکومت کی جانب سے آئندہ 15 روز کے لئے پٹرولیم مصنوعات کی قیمتوں میں ردوبدل کا اعلان کیا ہے جس کے مطابق پٹرول کی قیمت کو 263 روپے 45 پیسے برقرار رکھا گیا ہے ۔
اعلامیے میں کہا گیا ہے کہ کمی کے بعد ہائی سپیڈ ڈیزل کی قیمت فی لٹر 265 روپے 65 پیسے فی لٹر ہوگئی، نئی قیمتوں کا اطلاق رات 12 بجے سے ہوگیا ۔
