اسلام آباد: اسلامی نظریاتی کونسل 18 سال سے کم عمری کی شادی کو زیادتی قرار دے کر سزائیں مقرر کرنے سمیت دیگر شقیں بھی غیر اسلامی قرار دے دی گئیں ۔
اسلامی نظریاتی کونسل کا اجلاس چیئرمین علامہ راغب نعیمی کی زیرصدارت ہوا، اعلامیے میں کہا گیا کہ شادی کے لیے عمرکی حد مقررکرنا شرعی اصولوں کےخلاف ہے ۔
اسلام نظریاتی کونسل سے قومی اسمبلی اور سینیٹ سے پاس کئے گئے بلز کو کثرت رائے سے مسترد کرتے ہوئے اس غیر شرعی قرار دیدیا ۔
کونسل نے نکاح سے پہلے تھیلیسیمیا ٹیسٹ لازمی قرار دینے کی تجویز بھی مسترد کردی،کونسل کی جانب سے کہا گیا کہ تھیلیسیمیا ٹیسٹ کو اختیاری رکھا جائے اور اس کے بارے میں عوامی شعور اجاگر کیا جائے ۔
اجلاس میں حکومت اور پاک افواج کو معرکۂ حق میں فتح پر مبارک باد پیش کی گئی، چیئرمین اسلامی نظریاتی کونسل ڈاکٹر راغب حسین نعیمی نے کہا پاک افواج نے بہترین حکمت عملی سے دشمن کے وار کا جواب دیا ہے ۔
