گورنر ہاؤس پشاور میں چیف جسٹس پشاور ہائیکورٹ کی تقریب حلف برداری ہوئی ، جہاں جسٹس ایس ایم عتیق شاہ نے پشاور ہائیکورٹ کے چیف جسٹس کے عہدے کا حلف لیا۔
پشاور: گورنر خیبر پختونخوا فیصل کریم کنڈی نے جسٹس ایس ایم عتیق شاہ سے بطور چیف جسٹس پشاور ہائیکورٹ انکے عہدہ کا حلف لیا ۔
تقریب حلف برداری میں وزیر اعلیٰ خیبرپختونخوا سردار علی امین خان گنڈاپور بھی شریک تھے ۔
گورنر خیبرپختونخوا فیصل کریم کنڈی کی چیف جسٹس پشاور ہائی کورٹ جسٹس ایس ایم عتیق شاہ کو اپنے عہدے کا حلف اٹھانے پر مبارکباد دی اور ان کیلئے نیک خواہشات کا اظہار کیا ۔
حلف برداری تقریب میں پشاور ہائیکورٹ کے ججز ، خیبر پختونخوا اسمبلی میں اپوزیشن لیڈر ڈاکٹر عباد اللہ، صوبائی وزراء، چیف سیکرٹری خیبرپختونخوا شہاب علی شاہ، آئی جی پولیس ذوالفقار حمید، کمشنر پشاور ریاض محسود،انتظامی محکموں کے سربراہان اور وکلاء سمیت دیگر متعلقہ حکام نے بڑی تعداد میں شرکت کی ۔
