چین نے پاکستان کو دیے گئے 3 ارب 40 کروڑ ڈالر کے قرضے کی مدت میں توسیع کر دی ہے، جس سے پاکستان کے زرمبادلہ کے ذخائر کو بڑھانے میں مدد ملے گا ۔
غیر ملکی میڈیا کی رپورٹ کے مطابق 2 سینئر پاکستانی سرکاری حکام نے بتایا کہ یہ اقدام پاکستان کے زرمبادلہ کے ذخائر کو بڑھانے میں مدد دے گا، جو کہ عالمی مالیاتی فنڈ (آئی ایم ایف) کی ایک شرط ہے ۔
رپورٹ کے مطابق بیجنگ نے 2 ارب 10 کروڑ ڈالر کی وہ رقم دوبارہ جاری کی ہے جو گزشتہ 3 سال سے پاکستان کے مرکزی بینک کے ذخائر میں موجود تھی، جب کہ ایک ارب 30 کروڑ ڈالر کے کمرشل قرضے کو بھی دوبارہ فنانس کیا گیا ہے جسے اسلام آباد نے 2 ماہ قبل واپس ادا کر دیا تھا ۔
رپورٹ میں کہا گیا ہے کہ مشرق وسطیٰ کے کمرشل بینکوں سے ایک ارب ڈالر اور کثیرالملکی مالیاتی اداروں سے 50 کروڑ ڈالر بھی موصول ہو چکے ہیں ۔
