بارکھان : بارکھان کے علاقے کوہ جاندر میں مسلح افراد اور امن فورسز کے درمیان شدید جھڑپوں کا سلسلہ صبح 7 بجے سے جاری ہے۔ سیکیورٹی ذرائع کے مطابق، جھڑپیں تاحال جاری ہیں اور فائرنگ کی آوازیں دور دور تک سنی جا رہی ہیں۔
ذرائع کے مطابق، امن فورسز کے سیکڑوں اہلکار علاقے کی جانب روانہ ہو چکے ہیں اور کوہ جاندر کی طرف پیش قدمی کی جا رہی ہے تاکہ صورتحال پر قابو پایا جا سکے۔
ضلعی انتظامیہ نے بارکھان کے رکنھی بی یو ہسپتال میں ایمرجنسی نافذ کر دی ہے۔ ہسپتال انتظامیہ کو فوری طور پر ڈاکٹروں اور ایمبولینس عملے کو حاضر رکھنے کی ہدایات جاری کر دی گئی ہیں تاکہ کسی بھی ہنگامی صورتحال سے نمٹا جا سکے۔ مقامی افراد کے مطابق، علاقے میں سخت خوف و ہراس کی فضا ہے جبکہ عام شہریوں کو غیر ضروری نقل و حرکت سے گریز کی ہدایت کی گئی ہے۔ ضلعی انتظامیہ اور قانون نافذ کرنے والے ادارے صورتحال پر کڑی نظر رکھے ہوئے ہیں۔
