خیبرپختونخوا ميڼ گورنر راج کے نفاذ کا فیصلہ کیا گیا ہے، ذرائع کے مطابق صوبے میں گورنر کے نفاذ کے بعد 6 نئے گورنر کی تعیناتی کیلئے 6 اہم شخصیات کے نام بھی سامنے آئے ہیں، ان شخصیات میں تین سیاستدان اور تین سابق فوجی افسران شامل ہیں ۔
ذرائع نے اخبار خیبر کو بتایا کہ خیبرپختونخوا میں گورنر راج لگانے کا امکان ہے اور اس سلسلے میں موجودہ گورنر فیصل کریم کنڈی کو بھی ان کے عہدے سے ہٹایا جا سکتا ہے ۔
ذرائع کے مطابق نئے فگورنر کی تقرری کیلئے فہرست میں 6 نام سامنے آئے ہیں، ان شخصیات میں تین سیاستدان اور تین سابق فوجی افسران شامل ہیں ۔
سابق وزرائے اعلیٰ امیر حیدر خان اور پرویز خٹک سیاسی شخصیات میں شامل ہیں، سابق وزیر داخلہ اور قومی وطن پارٹی کے رہنما آفتاب شیرپاؤ بھی اس فہرست میں شامل ہیں ۔
ذرائع کے مطابق سابق فوجی افسران میں لیفٹیننٹ جنرل (ر) خالد ربانی، لیفٹیننٹ جنرل (ر) غیور احمد اور لیفٹیننٹ جنرل (ر) طارق خان شامل ہیں ۔
لیفٹیننٹ جنرل (ر) غیور احمد اور لیفٹیننٹ جنرل (ر) طارق خان ایف سی کے آئی جی رہ چکے ہیں جبکہ لیفٹیننٹ جنرل (ر) خالد ربانی پشاور کے کور کمانڈر رہ چکے ہیں ۔
ادھر گورنر فیصل کریم خان نے پشاور میں صحافیوں سے گفتگو کرتے ہوئے کہا کہ انہیں اس فیصلے کا علم نہیں ہے اور پارٹی جو بھی فیصلہ کرے گی وہ قبول کریں گے ۔
