اسلام آباد: نائب وزیراعظم و وزیر خارجہ اسحاق ڈار کا کہنا ہے کہ سی پیک فیز ٹو کا آغاز ہوچکا ہے۔
سینیٹ اجلاس میں اظہار خیال کرتے ہوئے وزیر خارجہ اسحاق ڈار نے یہ بات کہی۔
ان کا کہنا تھا کہ سی پیک بیلٹ اینڈ روڈ انیشیٹیو کا فلیگ شپ منصوبہ ہے اور پاکستان میں سی پیک فیز ٹو کا آغاز ہو چکا ہے۔
انہوں نے کہا کہ پاکستان ون چائنا پالیسی پر پوری طرح کاربند ہے جب کہ چین پاکستان کی خودمختاری کی ہمیشہ حمایت کرتا ہے۔
اسحاق ڈار کا کہنا تھا کہ 23 سے 26 مئی تک وزیراعظم چین کا دورہ کریں گے۔
اس دوران تعلقات کے دونوں ممالک کے سفارتی تعلقات کی 75 سالہ تقریبات ہوں گی۔
نائب وزیراعظم نے کہا کہ وزیراعظم شہباز شریف چین کے صدر شی جن پنگ سے ملاقات بھی کریں گے۔
